搬家

Blogspot 係我第二個"家", 第一個是 paultwfung.xanga.com

這兩個家也會停止"居住"了, 現址為 http://www.moko.com.hk/paultwfung

又要潛水

雖然呢個blog唔預期有人睇, 但如果你之前睇左而對呢個blog有期望, 對不起, 今次又要令你失望

基於自己的價值觀較數年前有一百八十度改變, 而家要把握時間追返自己以前不想做 (或不屑做?)
的事, 搞到睡覺都無時間, 又何來時間和興緻寫blog?

呢次潛水階段, 短則數月, 長則數年, 下次再提起"keyboard" 寫blog時唔知香港同世界是甚麼世界, 希望自己能生存到啦! (不要驚, 生存的意思是不被淘汱, 唔係你唸個d野!)

有緣再會!

為何要發債?

今天報道香港政府發債將於五月二十日提交立法會

呢幾日係度諗, 點解政府要發債呢?

二零零四年的"五隧一橋"債卷都可以話因有財政赤字而發, 上年(二零零七至零八年度)既然有一千億盈餘, 今年算是收支平衡, 唔通因金融海嘯會估下年有大赤字, 咁一萬六千億的財政儲備係咪用來買美國債卷only?

我相信是因為要同上海競爭做"金融中心", 才推銷各類型債卷 (包括今次官債及伊斯蘭債卷), 因債卷相對其他金融產品較為穩定及有長遠發展, 也可讓阿爺除了買美國債卷, 也可有香港債卷選擇, 所以香港債卷不愁市場。

又睇下會有幾多息率?

又學人談匯豐

將個blog的名稱由"每日一股(估)及評論"改為政經時評, 以切合現階段寫blog的目的: (基於自己看到的資料)大膽假設, 小心求証 (無時間就當係hypothesis 或吹水)

原本想做完一份大功課才開始寫, 但發覺要睇好多份年報, 對住d balance sheet 同 Income statement頭都大, 想搵d 資料 d 年報又刻意收收埋埋, 好難做。做完份功課的"框架"後便沒心機繼續完成。

想來都係輕鬆d, 先求量, 再求質。將一些眼見的新聞連結一齊做一些聯想, 測試一下自己的直覺, 可能可以讓我寫blog不會半途而廢。

就拿一個被人講到厭的匯豐作一些聯想:

匯豐今年三月公布業績, 純利因北美貸款業務及次按作大幅撥備而急跌, 並提出以12供5, 供股價HK$28, 獲得約98%支持供股, 股價亦由三月初最低$33(散戶能夠買到的最低應約是$36.5)升至四月三十日收市HK54.75, (兩者並有供股前及供股後的分別, 即$33 應以約$30.5來計算), 升幅接近七至八成。

現時匯豐的P/B 約0.9-1, 和本港其他銀行相若 (P.S. P/B value 同 息差 兩個資料我覺得在年報最難搵, 可能要讀些finance 的書, 然後要自己計), 恒生銀行是3, 很多人也答到兩者為何如此大差距:

1. 匯豐仍有美國的信用卡貸款及按揭憂慮, 前境不明

2. 匯豐是雷曼債卷的"批發商", 金管局、證監及消委會現時迫"零售"銀行要同雷曼小投資者和解, 遲早一定會返過來追究匯豐, 而柯清輝先知先覺, 沒有讓恒生銀行賣雷曼等投資產品予客戶

大多數的評論也對匯豐是負面, 而我則疑中留情, 畢竟感情上匯豐是香港人的銀行 (其實是殖民地時代讓港人對匯豐予以方便), 感情大於理智分析是否應持有匯豐:

讓我替匯豐說好話:

1. 匯豐在零售銀行層面較很多誇國銀行更全面, 雖然三頭馬車中的美國及歐洲出現隱憂, 匯豐在香港, 亞洲, 中東, 南美等仍有不俗的表現 (三月時更有人建議香港匯豐應獨立上市), 回歸銀行傳統業務匯豐應較其他美國的投資銀行更就手。

2. 每次匯豐進入美國市場也以失敗告終, 蘇格蘭人的傳統智慧始終勝於美國一流大學的博士生。不論今次匯豐撒出美國市場的程度為何, 相信可見的將來匯豐再犯類似的錯誤的機會很低。

匯豐的盈利與股價在可見將來因世界貿易放緩而不會大幅增長, 但始終"爛船總有三斤釘", 逢低吸納等待兩、三個月應是可為的。(唔好問我甚麼是低, 我知就唔駛返工 :P)

下次想吹: 香港政府發官債及資金流入港元的聯想。

重新起步, 重頭上路

距離上一次寫blog又係八個月, 呢八個月比之前八個月更動蕩: 轉工, 搬屋, 解決家人財政問題 (幸好不是財政困難)

世界呢八個月更是風起雲湧: 雷曼倒閉, 匯豐$33, 電盈私有化遭法院否決..... 社民連擲蕉及講"非議會語言"相較起來真是濕濕碎

有人批評我做事沒有恒心, 我承認, 既然如此, 就找些東西來"訓練"自己, 寫blog是其中一樣

之前寫blog半途而廢是準備不足, 想寫股票分析又未做好功課, 今次會嘗試每次做完一份"大功課"後才開始寫, 每日寫少少, 但理據要充足 (希望啦!), 一係唔開始寫, 一寫就每天要堅持直至寫完份大功課。

而家返去做功課先 !