友人會於網誌加入投資評論，市場先生則減少談論投資，我呢個懶人話要每日/週一股，而家搞到一個月都無一股，都幾慚愧。
既然友人都提及廣告，我又想講下廣告，也是在九鐵上看到的，不過並非平面，而是在"九鐵速遞"上看到的，那個便是麥當勞的廣告。
廣告中有一個靚媽咪帶個仔仔過馬路，呢度去，o個度去。但睇真D，原來不是帶個仔仔去返/放學或去玩，而是帶個仔仔去學圍棋、游水等。個仔仔見到麥當勞，就唔肯行，示意要去麥當勞。靚媽咪唔似一般想像中會帶個仔仔離開，而是入去麥當勞吃東西，個仔仔食到一半問靚媽咪係咪要走，個靚媽咪答"唔駛急，繼續食。"
每次我看到這個廣告，也會眼泛淚光，心中嘆一句:"可憐天下父母心！"。親友也有子女，細細個便帶他們學鋼琴、圍棋等，但又有幾多父母能像廣告中的靚媽咪般體諒子女？
我都係覺得，小朋友都係讓他們多些時間玩，而不是強加自己的意願於子女身上。但以此看來我不會是一個好父親，只會寵壞子女。
原本因為多了一些現金，想睇下新的IPO 1828大昌行值不值得去抽，但越說越遠，而截止又在下星期二，不如聽日先寫大昌行。
